دویای ئاگر دارستانەیلە.. لافاو شارەیلیگ لە باکوور تورکیا پووشێد
شەفەق نیوز/ هێزەیل رزگارکردن تورکیا، خەسەخانەیگ هەرێمی چووڵ کردن، و کەسەیلیگ لە خەڵک ئاوایەیلە لە بان خانیەیل ماڵەیلیان دراوردن، ئەوەیش دویای لافاوەیل تونیگ و رمانن خەڕگین ناکاوی لە کناراوەیل دەریای سیا.
وەزارەت تەندروسی تورکیا وت: هەیشت کەس دویای رمیان پوڵیگ وەرەو خەسەخانە بریان.
شەپۆل لافاوەگە رەسیە ولایەت کاستامونو وە تایبەت، و هەمیش وبایەتەیل سینوب و بارتن.
وەرپرسەیل وتن: یەک کەس وە نۆڕەدڵ لە ژاوەژاوەگە گیانی لەدەسدا، و ئاوەگە ژن پیریگ برد و چارەنووسی نادیارە.
لەلای خوەییش، بەکیر باکدیمیرلی وەزیر کشتوکاڵی دربارەی لافاو و وارانە رفتەیلە وت: لە چەو رەوانگەی کەشوهەوا، شایەت بکەفیمنە وەر کارەساتیگ ئەرا ٥٠ یا ١٠٠ ساڵە لە وینەی نەویە.
ئی وارانەیل رفتە وە دریژەی کناراوەیل باکووری تورکیا، لە مەوقەیگ هاتن ک ئاگرەیلیگ لە دارستانەیل باشوور کپەو کریا، و گیان هەشت کەس لەدەس دا.
