پەیامنێر کەشوهەوای ئەمریکی: جەهان کەفتیەسە گیچەڵ
شەفەق نیوز/ جۆن کێری پەیامنێر کەشوهەوای ئەمریکا، هوشداری کرد ک جەهان کەفتیەسە گیچەڵیگ، و نیە بان ریە راسایەگە ئەرا سووکەوکردن کردەوەیل ئاڵشتکردن کەشوهەوا.
کێری لە وتاریگ وەردەم ژوور بازرگانی ئەمریکا وت: بیلا راسیەگە ئەرادان بۊشم و ری وەپیم بیەن تا ئاشکرا بکەم.. ئیمە کەفتیمنەسە گیچەڵ، و ئومید خوازم گشتی یە نزانێد، یە گیچەڵیگ نییە توانای دەرچگن لەلی نەریمن، باوجی نیمنە بان ریە راسایەگە، وتیش: فرە لە چشتە خاسەیلە بوود، جۊر بڕیارەیل لوتکەی گلاسکۆ ئەرا کەشوهەوا.
هەمیش وت: وەگەرد ئەوەیش ئیمە خاڵەەیل ئاڵشتبۊین وەخوەمان دۊنیمن، ک لە تۆژینەوەی نوویگ دەرکەفت ک پلەی گەرمی جەمسەر باکووری وەگورەی چوار قات لەو بەشەیل زەۊی بەرزەو بوود.
وتیش: ئیمە هەمیش کاریگەریەیل لافاو و ئاگر و خوەرمیان خەڕگ و گەرمی وەخوەمان دۊنیمن ک لە شۊنەیلیگ لە جەهان زیای بوود، و فرەی وڵاتەیل جەهان توانای بڵاوکردن بڕەیل فرەیل لە سەرچەوەیل وزەی نووەوبۊی دیرن، وەلێ ئەو کارە نێکەن، و لەجیای ئەوە، ئەو دەوڵەتەیلە وەکارهاوردن گازیان زیای کردن.
