٤١ تریلیۆن دینار.. پەرلەمان عراق سەرسامە لە بڕ قەرزکردنەگە ئەرا سێ مانگ

شەفەق نیوز/ نەدا شاکر جەودەت ئەندام دەسەی ئابووری و وەبەرهەمهاوردن پەرلەمانی، ئمڕوو چوارشەممە، ئاشکراکرد ک ئەو پویلەگ لە یاسای قەرزکردن دیاریکریا رەسیە ٤١ تریلیۆن دینار، و دیاریکرد ک ئەنجومەن نوێنەران دیرید ئی بڕه راسەو کەێد.
جەودەت لە قسەیگی ئەرا ئاژانس شەفەق نیوز وت؛ تا ئیسە یاسای قەرزکردن هالە ئەنجومەن نۆێنەران تا وەشیوەیگ تەواوەتی بنووڕنە پی، و دیاریکرد ک ئەو پویلەگ لە یاسای قەرزکردنەگە داواکریاگە خوەی ٤١ تریلیۆن دینارە، ئەرا سێ مانگ ئایندە لەی ساڵە.
وتیش ئی بڕ وە گەپ دانریەێد ئەرا ماوەی کەمیگ، ک لە نۆ مانگ گوزەیشتە ٥١ تریلیۆن دینار خەرج کریا، ئەراوە ئەنجومەن نۆێنەران رەزامەنی لەیاساگە دەێد وەلی دویای راسەوکردن بڕ پویلەگە.
جەودەت ئاماژە کرد ک وەرجەیە حکومەت ١٥ تریلیۆن دینار ئەرا دابەشکردن مووچەگان قەرز کرد، دە تریلیۆن لە ناوخۆ و پەنج ملیار لە دەیشت، و دووپاتکرد لە سەختی قەرزکردن دەیشتەکی، چوونکە هیچ دەوڵەتیگ رازی نیە لەی رەوش ئابووریە ک عراق زیان وەخوەی دوینێد قەرز بیەێدە پی.