کوردیگ فەیلی تڵایی پاڵەوانی جهانی لە کاراتێە وەرگرێد
2021-03-15T11:22:38+00:00
شەفەق نیوز/ زەبیحولڵا پورشیب، وەرزشکار فەیلی لە پارێزگای ئیلام، توێنست تڵایی پاڵەوانی جهانی لە کاراتێە ک لە ئیستەنبوڵ ئەنجام دریا وەدەس بارێد.
پورشیب ک خوەی کاپتن هەڵبژاردەی ئیرانیە، لە پێشبڕکێی کیش لەخوار ٨٤ کێلوگڕام بەشداری کرد، و تڵاگەی وەدەس هاورد، چوونکە دانیار یلوداشۆف ڕکابەرە کازاخیەگەی لەوەر زەخمداریی ئامادە نەوی.
یەکەم قۆناغەیل خولە جهانیەگەی کاراتێەی ٢٠٢١ لە ئیستەنبوڵ لە رووژ جمعەی گوزەیشتە وەبەشداریکردن ٥٨٤ بازیگەر کاراتێە لە ٧٢ دەوڵەت دەس وەپیکرد.
