لەماوەی چەن ساعەتیگ.. دەسگیرکردن 215 توومەتبار لە بەغدا
2024-05-05T08:42:28+00:00
شەفەق نیوز/ فەرماندەیی ئۆپراسیۆنەیل بەغداد، ئمڕوو یەکشەممە، راگەیان 215 توومەتبار دەسگیرکریانە لەناویان 154 کەس سەرپیچیکەر یاسای نیشتەجیبوینن و دەسگیریایە وەبان چەک و کەرەستە و مادەیل ترەک، لە ئۆپراسیۆنگ لە ناوچە جیاوازەیل لای کەرخ.
فەرماندەیەگە لەبەیاناامەیگ رەسیە ئاژانس شەفەق نیوز ئاشکەرایکرد، لە ئامار یەکەم ئۆپراسیۆن ئەمنیەگەی ئمڕوو کە لە دویەشەوەو دەسوەپیکریایە لەناوچەیل لای کەرخ، لە ئەنجام کەسەیلیگ وە توومەت (مادەی هووشبەر، دزی، هەڵگردن چەک بیمووڵەت)دەسگیرکریان وەرد دەسگردن وەبان شمارەیگ چەک و کەرەستە و مادەیل قەیەغە کریاگ".
دووپاتکرد ئۆپراسیۆن مینەکردن و وشکنین وەردەوامە لە ناوچەیل ترەک لای کەرخ و رەسافە لە چوارچمگ پلان رەسمی ئەرا بەرقەرارکردن ئاسایش و سەقامگیری و دەسگیرکردنچەتەیل تاوانکار و لەیاسادەرچگەل و جیوەجیکردن فەرمانەیل دەسگیرکردن و پاراستن ئاسایش کۆمەڵایەتی و ئەمن و بیوەیی هاوڵاتیەیل.
