كوژیان و زیه‌مدار بوێن 80 كه‌س له ته‌قینه‌وه‌ێگ له خوه‌ر ئاواێ سامه‌ڕا
2015-06-01T12:50:49+00:00
سه‌رچاوه‌گه وه شه‌فه‌ق نیوز وتگه : تروریستێگ خوه‌ێ كوژ وه ده‌بابه‌ێ بومب ڕێژكریاگێگ له نزیك ئه‌مبارێگ چه‌كه و ته‌قه‌مه‌نی له ناوچه‌ێ سه‌رسار هه‌ڵكه‌فتگ له خوه‌ر ئاوای سامه‌ڕا خوه‌ێ ته‌قانگه‌سه‌و.
زیاتر وتگه : وه‌گوره‌ی ئاماره‌یل سه‌ره‌تایی ته‌قینه‌وه‌گه بوێه‌سه بایس كوژیان 45 كه‌س و زیه‌مدار بوێن 33 كه‌ستر وه‌بێ ئه‌وه‌گ ده‌سنیشانی بكه‌ێگ ك قوروانیه‌یل سه‌ر وه سوپا یا حه‌شد شه‌عبی یا پولیس ئتحادین.
هێزه‌یل ئاسایش عراقی ماوه‌ێ چه‌ن ڕوژێگه ، ده‌س كردنه‌سه قوناغ دوێم ئازاد كردن پاریزگاێ سه‌لاحدین له ده‌س چه‌كداره‌یل داعش ، ئه‌ویش له چوارچێوه‌ێ پروسه‌ێگ وه‌ناو " له‌به‌یك یا عراق " ك زورم ناوچه‌یل پارێزگاێ ئه‌نبار گردگه‌سه وه‌ر و وه‌گوره‌ێ سه‌رچاوه‌یل ئه‌منی تائیسه ناوچه‌یل وه‌فراوانێگ له هه‌ردو پاریزگاگه ئازاد كریانه.
ج ك
