ئەرا دویەم رووژ ..هەواڵگیری عراق دەیان پاکستانی لەبان سنوور دەسگیر کەێد

شەفەق نیوز/ سەرچەوەیگ ئەمنی، ئمڕوو جومعە، خەوەردا هەواڵگیری عراقی دەیان پاکستانی دەسگیرکردنە لەبان سنوور ئیران باشوور وڵاتەگە و یە دویەم رووژە وەبان یەک.

 سەرچەوەگە وە ئاژانس شەفەق نیوز وت، هیزیگ لە هەواڵگیری عراقی  55 کەس پاکستانی دەسگیر کردنە ک  تەقەڵادانە لە ری سنوور ئیران لە ناوچەی فاو لە پارێزگای بەسرە باشوور وڵاتەگە بانە ناو عراق.

سەرچەوەگە ئاشکەرایکرد، هێزەیل (54) پاسەپۆرت و (53) مۆبایل لەلیان گردنە.

دویەشەو پەنجشەممە، سەرچەوەیگ ئەمنی خەواردا، هیزەیلیگ لە هەواڵگیری عراقی 16 دزەوەپیکریاگ پاکستانی لە شەت عەرەب سەر وە پارێزگای بەسرە باشوور وڵاتەگە دەسگیر کریانە.