بەرزەوبوین دۆلار لە بەغداد و هەرێم کوردستان

شەفەق نیوز/ نرخ دۆلار، ئمڕوو چوارشەممە، لە بۆرسەی سەرەکی  بەغداد و هەرێم کوردستان بەرزەو بوی.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٥٠٠٠٠ دینار وەرانوەر ١٠٠ دۆلار ئەمریکی تۆمار کردن،   دوێەکە سێشەممە نرخۆللر لە بورسەی کیفاح رەسیە ١٤٩٥٠٠.

پەیامنێرەگەمان نشان دا ک نرخەیل فرووشتن و سەنەین لە دوکانەیل ئاڵشتکردن لە بازاڕە ناوخۆیلە بەرزەو بوی ک نرخ فرووشتن رەسیە ١٥٠٥٠٠ دینار، و نرخ سەنین رەسیە ١٤٩٥٠٠ دینار وەرانوەر ١٠٠ دۆلار ئەمریکی.

لە هەولێر پایتەخت هەرێم کوردستان نرخ دۆلار بەرزەوبوین وەخوەی دی ک نرخ فرووشتن رەسیە ١٥٠٢٠٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٥٠٠٠٠ دینار وەرانوەر ١٠٠ دۆلار ئەمریکی.