پیەڵەیل رمیای و دراوردن مەردم.. ویرانکاری فرەیگ لەئەنجام زریان چین
میدیایل وڵات چین بڵاو کردنە کە نزیکەی ١٥ هەزار هاوڵاتی لە شار شولان لە پارێزگای جیلین کە وە کاڵین گەنمەشامی ناسیایە، دەرکریانە، و لەورا کەسیگ گیانی لەدەسدایە و چوار کەستریش بیسەروشوینن.
لە ١ ئابەو لە شولان واران بیهوچان وارێد، هەرلیوا لە بڕیگ ناوچە واران رەسیەسە ٤٨٩ ملم، کە زیاتر لە پەنج ئەوەنەی ئاست پەیمانەیی جارانیە.
میدیایل وڵاتەگە بڵاو کردنە کە پیەڵەیل لە گشت شارەگە رمیانە و جادەیل زەرەد وەپییان رەسیە.
ئاژانس خەوەری چینی کە ئاژانس هەواڵی فەرمییە، وینەی جادەیل ژیر لافاو دەورگرد کارگە و ماڵەیل شار شولان نشان دەن کە زیاتر لە ٧٠٠ هەزار کەس لەناوی نیشتەجیە.
لە کۆتایی مانگ تەمووز وارانیگ پەیمانەیی واریە، هەنای هووشاو زریان دۆکسوری رەسیە ناو وڵات و ویرانکاری لە باکوور چین دروسکرد و لافاو فرەیگ لەلی بویەو و ژیان ملیۆنا کەسی شیوان.
رووژ شەممە، دەسەڵاتدارەیل پەکین هووشداری دان لە رویدان زەویلەرزە لە ناحیەی فانگشان و مێنتۆقوو لە دەیشت پایتەخت.
