زانایل چینی "ئامانج گەورەیگ" لە دروسکردن چەک لەیزەر وەدەس تیەرن
رووژنامەی دەیلی مەیل بەریتانی راگەیان؛ سیستەم لەیزەر وزە بەرز وەکار تیەێد ئەرا لەکارخستن فڕۆکەیل بیفڕۆکەوان و دڕۆن و مووشەک.
بەڵام ئی جویرە چەکە لە مەوقەی هەر وەکارهاوردنیگ وەگەرد گەرمی فرەیگ گردەو بوود و وەڕیەوبەرەیل ناچار کەێد کووریەو بکەن تا سەردەو بوود.
زانایل چینی سیستەم نوویگ دروس کردن کە دەسمیەتی سەردەوکردن ئی چەکەیلە دەێد و چگن لەیزەر خاستر کەێد ئەرا وینەگردن هویردبوین بەرز.
ئەمریکا لە زویەو کار لە بان ئەو چشتەیلە کەێد کە زانایل چینی بانگەشەی ئەو کەن کە کەفتیەسە دەسیان.
وەلێ لێکۆڵینەوەیل چین توەنێد شیواز وەڕێوەبردن جەنگ میللەت ئاڵشت بکەێد و ئەمریکا لەدویای خوەی بیلێدە جی.
لە وتاریگ ئەرا رووژنامەی "باشوور چین مۆرنینگ پۆست" چینی، سەرۆک تیم توێژینەوەگە، زانای چەک لەیزەر یوان شێنگفو، راگەیان: یەیش دەستکەفتیگ گەورەس لە روی خاسترکردن کارایی سیستەم لەیزەر وزە بەرز.
وزەی کوالیتی بەرز نەک تەنیا لە چرکەی یەکەم بەرهەم تیەێد بەڵکم تا وەختیگ نادیاریش مقیەتی کریەێد.
