راوێژكار ئه‌ردۆغان روێداگه‌گه‌ێ خاشقچێ جوور "كوشيان حوسه‌ين " تاريف كرد
شه‌فه‌ق نيوز/ پرۆفيسۆر ياسين ئه‌قتاى راوێژكار ره‌جه‌ب ته‌يب ئه‌ردۆغان سه‌رۆك توركيا، وت: جه‌مال خاشقچێ بويه ناونيشانيگ ئه‌را ئازادى و رێزگرتن به‌شه‌ريه‌ت و نيشانه‌ى ئه‌و تاوانه‌يله ك رووژانه له ناوچه‌گه‌مان ئه‌كه‌فێده‌و.
ئه‌قتاى له يه‌كه‌مين ساڵياد كوشتن جه‌مال خاشقچێ رووژنامه‌نويس سعودى له‌وه‌رده‌م باڵيۆزخانه‌ى سعوديه له شار ئه‌سته‌مبوڵ وت: گشت رووژيگ تاوان له جه‌هان روێ ئه‌ياد جوور تاوانه‌گه‌ێ خاشقچێ، له سوريا سه‌دان هه‌زار مه‌ده‌نى مه‌ده‌نى كوشيا وه‌بى جواودانه‌وه‌و له مسريش مه‌ردم وه زووره‌ملێ رفيه‌ێد له ماڵيه‌يليان وه رووژ نيمه‌ڕوو يا گيريه‌ن و كوشيه‌ن.
ئه‌قتاى هه‌ميش وت: له مێژوو تاوانه‌يل فريه‌يگ بويه، تاوانه‌گه‌ێ خاشقچييش رمزيه‌ت كوشيان حوسه‌ين ئه‌خاده هويرمان، ك جه‌ماڵ خاشقچێ وه مردنى كه‌ربه‌لايگ تر خسته هويرمان و هيشته‌مان له خه‌وه‌يلمان هه‌ڵسيم.
