ئەرا یەکەمین جار لە ماوەی 60 ساڵ شمارەی دانشتگەیل چین داوەزێد
2023-01-17T07:25:41+00:00
شەفەق نیوز/ شمارەی دانشتگەیل چین لەماوەی پاەکە ئەر یەکەمین جار لە 1961 تائیسە داوەزین توومارکرد، یە ئاڵشتبوینیگ مێژووییە ک مەزەنە کریەێد سەرەتایگ ئەرا ماوەیگ دویرو دریژ بوود لە داوەزین شمارەی هاوڵاتیەلی، و هند وە گەپترین وڵات دانریا لەروی شمارەی دانشتگەیل لە ساڵ 2023.
نوسینگەی ئامار نیشتیمانی چین وت وڵاتەگە 1.41175 ملیار کەس بوی لە کۆتایی ساڵ 2022 وەبەراورد وە ساڵ گوزەشتە 1.41260 ملیار بووی.
شمارەی لە داڵگبوین لە ساڵ گوزەشتە رەسیە 6.77 لەداڵگبوین ئەرا هەر هەزار کەس، داوەزین لە رێژەگە کرد لە 7.52 لەداڵگبوین لە 2021، یەیش کەمترین رێژەی لەداڵگبوینە.
هەمیش چین بەرزترین رێژەی مردن توومارکرد لە ساڵ 1974 تائیسە، 7.37 حالەت مردن ئەرا هەر هەزار کەس بەراورد وە رێژەی 7.18 حاڵەت مردن لە ساڵ 2021.
بەشیگ فرەیگ چوودەو ئەرا سیاسەت یەک مناڵ هاوردن ک چین سەپاندیەسێ لە مابەین ساڵەیل 1980 و 2015، هەمیش تێچووی فرەیگ لە خوەنستن هیشتیە چینیەیل دویرەو بکەن لە یەک مناڵ فرەتر یان هویرەو لە یەک مناڵیش نەکەن.
